أخبار عاجلة
الرئيسية » ثقافة » ست الحسن

ست الحسن

الشاعر خالد الراوي

ياست الحسن 

أنا والله ف موجودك 

مليش ف الحزن

وباب مفتوح 

منين ما تخطي تلاقيني

يانور عيني.. ونن العين

يابنت شبيها لملايكه

في كوكب كله بني ادمين

لا عارف لحظه اشوف غيرك

يدوم خيرك

حضنك مأوى لو ضليت

بشوف الخلق ع الهامش

واشوف طيفك واشوفك بيت

بشوفك زي ما اتمنيت

ولحظه بلحظه بشتاقلك

في وقت الجد بالجألك

وارمي همومي بين حضنك

واقولك حلي من فضلك

يعدي الليل بفضفضلك

وأنام وعينيكي بصالي

أنام من النجمه تصحالي

وتاخد ايدي من حزني

في ضهري بجد مسبتنيش

ترد مفيش وكله يهون

وتلف بيا الكون

اشوف البشر دون

واغلط فيها مهتمش

تقولي سهله عديها

وجرحي في روحي ميلمش

غير لما تمسه بايديها

بدون مجامله 

وبدون قافية شعر ابياته

كسر وزنها في وصفك

أنا لما أكون واصفك

عينيا بتبقا بصالك

بشوفك نسمه هوا

لغلام شق الصحراي في شمس

بشوف الأمس في عيونك

واشوفك طفله ف شبابها

واشوفك كل يوم ابها

واحس معاك كما طفل

محتل وطنه بدم

لف القلوب يسأل

لقا فيك حضن الأم 

من يومها وانا افضل

من يومها وانتي أهم

شبكة المدار الإعلامية الأوروبية …_

شاهد أيضاً

مهرجان شرم الشيخ للمسرح الشبابي وعودة جديدة

شبكة المدار الإعلامية الأوربية …_تحت رعاية الفنانة الدكتورة #ايناس_عبد_الدايم وزيرة الثقافة واللواء أركان حرب #خالد_فودة …

%d مدونون معجبون بهذه: