دندنه

ريهام عبد الله

بالطول والعرض وببعد السما عنا وع الارض … بستني كلامك م السنه للسنه ولا مرة ترد ….طب ليه يا حبيبي بعد الحب بييجي الصد … وانا ياما فرشت عشانك الدنيا كلها بالورد …. ومليت احلامك وايامك بالهنا والود ….
طب اعمل ايه انا علشانك سيبتنى وبعدت …وفاجئت القلب اللي اختارك ولروحه ملكت …. وليالى كتير للوحده والخوف سلمت …. وليالي ارجعلك واكتبلك ياما اتعشمت …. ملقاش غير دمعي بيشكيلي م الجفا والبعد ….
علي مين ضيعت شباب قلبي ما هو برضه عليك … ومكنتش شايفه ف احلامي غير اننا ليك … وبطمن قلبي يقول راجع طمني عليك …. قال فاكرك ديما مش ناسي و كلام واتاريك …. عايش مع غيرى وبتضحك علي جرحي بجد ….
مش شايفه ف الدنيا بحالها غير زيفك بس …. بلا حب وغيرة م الأخر مش هسمع حس …. ولا دقه قلب تعيشني وغرام يتحس ….. وكفايه ف بعدك احزاني بالكوم تترس ….. ويا دنيا سيبيني لاحزاني مبقتش لحد …..

شبكة المدار الإعلامية الأوروبية…_

اترك تعليقاً

لن يتم نشر عنوان بريدك الإلكتروني.

person with keys for real estate Previous post ارتفاع في أجار العقارات بهولندا
Next post العام المقبل تدريب المعلمين في بلجيكا
%d مدونون معجبون بهذه: