جوابات وإيميلات

الشاعرة الإعلامية ريهام عبد الله

مش هكتبلك جوابات
ده زمانهم عدى وفات
دلوقتي خلاص ايميلات
ورساله تقول سلامات

انا صابره عليك لسنين
عايشه وياك بروحين
روح دايبه مع العاشقين
والتانيه تغنى اهات

الضحكه تقول راح فين
والدمعه تصبر عين
وتعشم ويا حنين
يحكى ف بعدك حكايات

غلبان قلبي المسكين
بيدق لكنه حزين
مستنى يا ضى العين
وتضيع منه الاوقات

على فين هتروح ولمين
ومفيش بين العاشقين
حد هيعشق لسنين
ويطول ف النظرات

شبكة المدار الإعلامية الأوروبية…._

Previous post وهران تفتتح دورة ألعاب البحر الأبيض المتوسط
Next post أردوغان يلتقي نظيريه الفلندي والسويدي
%d مدونون معجبون بهذه: