0
0
شبكة المدار الإعلامية الأوربية…_وجهت ريم الرحباني، ابنة الفنانة الكبيرة فيروز، تحذير شديد اللهجة، للفنانين الذين يقومون بإعادة أغاني والدتها، دون الرجوع للعائلة.وقالت في منشور عبر صفحتها الشخصية بموقع “فيس بوك”: “تحذير وآخر تحذير قبل الملاحقة القانونية لجميع أهل الفن كباراً وصغاراً وللساسيم الكريمة ولكل مين صاير بيمد إيدو على أغاني فيروز والأخوين رحباني”.واضافت: “إذا صاير في شي إسمو يوتيوب وغيرو من الوسايل المُتاحة لمين ما كان ما معناتا بتقدروا بوقاحة مُطلقة تتطاولوا على الإرث الفيروزي الرحباني! لذا ممنوع منعاً باتاً تسجيل وإعادة الأعمال وتوزيعها على أي كان بيدون مُراجعة الورثة كافة وأخذ الموافقة المُسبقة والخطيّة، إن أُعطِيَت، تحت طائلة المسؤوليّة والملاحقة القانونيّة”.وتابعت: “هلق صحيح إجمالاً الأداء العلني مسموح إنّما بثلاث شروط، الشرط الاوّل عدم التحريف بالأغاني وعزفها وتأديتها زَيْ ما هيّي، وهيدا شي ما عم يحصل، لأن عم يتم التحريف والتشويه كمان! عزفاً وآداءً ولفظاً ومدّاً وجزراً.. يا رب إرحم! واذا ما تم التحريف عمداً ما عم يصيبوا النوطات حُكماً فإذن في تحريف لا بل تشويه!”.و الشرط التاني دفع مستحقات الآداء العلني للساسيم وفقاً للشروط العامة المعمول بها وبالاستناد إلى برنامج أغاني و/أو موسيقى الحفل، وعن كل حفل، الشيء اللي كمان ما عم يحصل!، والشرط التالت عدم تسجيل أو تصوير أو استغلال أو توثيق هكذا مجزرة! الشيء اللي كمان ما عم يحصل لأن الكل عم يصوّر بما فيهن الجمهور!”.واستطردت: “إذن يا حبايبي في خلل بكل الشروط اللي تسمح بإنو يتم استعمال أي أغنية بالأداء العلني، لذا المطلوب فوراً وقف هذا التعدّي السافر على الإرث الفيروزي الرحباني من جميع المعنيين وسحب كل النسخ المُسجلة و/أو المُصورة من الأسواق ومن منصّات التواصل الاجتماعي كافة أكانت مجانيّة أو ببدل اشتراك، وهيدا تحذير جِدْ جدّي قبل المُلاحقة القانونية”.وأضافت: “وهالتحذير برسم الساسيم اللي ما عم تعمل شي إلا إنّها تغرُف من مردود الأعمال اللي بيجي فقط من الخارج، عل وعسى من الآن وصاعداً تعمل شغلها”.واختتمت كلامها قائلة: “ملاحظة لمُردّدي أسطوانة “فيروز للجميع”.. “وهاي محبّة”.. “وما بدنا ياها تنتسى”.. و”آوماج آ فيروز”!!! أدبسيس! شيلو عنكن وما تغنّولنا ياها لأن بايخة ومُفتعلة كتير، على فكرة بُشرى سارة جداً على الأرجح بيجهلوها المُطبّلين والفنّانين! الحقوق المعنويّة ما بتموت.. ما بتموت.. ما بتموت.. وبتبقى لأبد الآبدين آمّمّمين! قيّدلي هالآدمي براس”.
جولي
